EN
📰 HABARI MPYA
Inapakia habari...
Habari

MBUNGE WA JIMBO LA KALAMBO ATEKELEZA AHADI YA KUENDELEZA MICHEZO KWA KUKABIDHI MIPIRA KWA VIJANA WA KIJIJI CHA ULUMI

July 01, 2026
MBUNGE WA JIMBO LA KALAMBO ATEKELEZA AHADI YA KUENDELEZA MICHEZO KWA KUKABIDHI MIPIRA KWA VIJANA WA KIJIJI CHA ULUMI


Katika kuendelea kutekeleza kwa vitendo ahadi zake kwa wananchi wa Jimbo la Kalambo, Mbunge wa Jimbo la Kalambo, Mhe. Edifonsi Joackim Kanoni, kupitia Katibu wake Ndugu Musa Frackison Mzopola, amekabidhi mipira mitano (5) ya mpira wa miguu kwa viongozi wa timu za Ulumi A na Ulumi B.

Msaada huo umetolewa kufuatia ombi lililotolewa na vijana wa kijiji hicho wakati wa mkutano wa hadhara uliofanyika mwezi Aprili, ambapo walimweleza Mbunge changamoto ya ukosefu wa vifaa vya michezo. Utekelezaji huu unaonesha dhamira ya kweli ya Mhe. Kanoni ya kusikiliza wananchi na kutekeleza ahadi alizozitoa kwa wakati.

Akizungumza wakati wa makabidhiano hayo kwa niaba ya Mbunge, Ndugu Musa Frackison Mzopola alisema kuwa Mhe. Kanoni anatambua mchango mkubwa wa michezo katika kujenga afya, kuimarisha umoja wa vijana, kukuza vipaji na kuondoa vitendo vinavyoweza kuhatarisha amani na maendeleo ya jamii.

Aidha, amewatangazia wananchi wa Kalambo kuwa, kama Mhe Mbunge alivyoahidi kuanzia mwezi Julai ofisi ya Mbunge imeanza utaratibu wa kutoa vifaa vya michezo kwa vikundi na timu mbalimbali zilizoomba msaada huo katika maeneo tofauti ya Jimbo la Kalambo. Alisisitiza kuwa waombaji wote watapatiwa huduma hiyo hatua kwa hatua, hivyo aliwaomba waendelee kuwa na subira wakati taratibu za ugawaji zikiendelea.

Vilevile, alieleza kuwa Mhe. Mbunge anatarajia kuanza tena ziara za mikutano ya hadhara katika vijiji mbalimbali vya Jimbo la Kalambo. Katika ziara hizo, ataendelea kusikiliza kero za wananchi, kufuatilia utekelezaji wa ahadi alizotoa na kukabidhi misaada mbalimbali katika maeneo yaliyoiomba.

Kwa upande wake, aliwahimiza vijana kutumia vipaji vyao kama njia ya kujiletea maendeleo na kujiongezea kipato, huku akiwataka kujiepusha na vitendo vya uhalifu, matumizi ya dawa za kulevya na mambo yote yanayoweza kuvuruga amani, utulivu na mshikamano wa Taifa letu.

Ofisi ya Mbunge wa Jimbo la Kalambo inaendelea kuwahimiza wananchi wote kushirikiana na Serikali katika kuleta maendeleo ya Jimbo letu. Ushirikiano, umoja, upendo na mshikamano ndiyo msingi wa kufanikisha miradi ya maendeleo na kujenga Kalambo yenye ustawi kwa kizazi cha sasa na kijacho.

Mhe. Edifonsi Joackim Kanoni anaendelea kuwathibitishia wananchi kuwa yuko bega kwa bega nao katika kutatua changamoto zao na kuhakikisha ahadi zote zinazotekelezeka zinafanyiwa kazi kwa vitendo kwa manufaa ya wananchi wote.

KAZI NA UTU TUNASONGAMBELE

Imetolewa na:
Musa Frackison Mzopola
Katibu wa Mbunge wa Jimbo la Kalambo

MATUKIO KWA NJIA YA PICHA

Inapakia picha...

HABARI MAARUFU

ZIARA YA MHE. KANONI KATIKA JIMBO LA KALAMBO IMEAIRISHWA; HIKI NDICHO KILICHOSABABISHA.

  Ofisi ya Mbunge wa Jimbo la Kalambo, Mhe. Edefonsi Joackim Kanoni , inapenda kuwataarifu wananchi wote wa Jimbo la Kalambo na umma kwa ujumla kuwa ziara iliyokuwa imepangwa kufanyika kuanzia tarehe 20 Julai 2026 hadi tarehe 10 Agosti 2026 imeahirishwa. Uamuzi huo umetokana na zuio la Serikali kuhusu kufanyika kwa mikutano ya hadhara katika kipindi hiki. Ofisi ya Mbunge inaomba radhi kwa usumbufu uliojitokeza na inaendelea kuwashukuru wananchi kwa ushirikiano na uelewa wao. Kwa taarifa zaidi na maendeleo ya shughuli za Ofisi ya Mbunge wa Jimbo la Kalambo, tembelea: www.mbungekalambo.com Imetolewa na: Musa Frackison Mzopola Katibu wa Mbunge, Jimbo la Kalambo
Image

HATIMAYE! ORODHA RASMI YA WANUFAIKA WA MIKOPO YA WIZARA YA MIFUGO NA UVUVI KWA WILAYA YA KALAMBO YATOLEWA – WANUFAIKA WOTE WATAKIWA KUHUDHURIA MAFUNZO MUHIMU

  TAARIFA KWA UMMA Ofisi ya Mbunge wa Jimbo la Kalambo, Mhe. Edefonsi Joackim Kanoni , inapenda kuwajulisha wananchi wote wa Wilaya ya Kalambo kuwa Wizara ya Mifugo na Uvuvi imekamilisha mapitio ya maombi ya mikopo yaliyowasilishwa na wananchi wa Wilaya ya Kalambo kupitia programu ya uwezeshaji wa wananchi kiuchumi. Kutokana na mchakato huo, Wizara imetoa rasmi orodha ya wanufaika waliokidhi vigezo na kufanikiwa kupata mikopo hiyo. Wanufaika kutoka Wilaya ya Kalambo ni kama ilivyoainishwa katika orodha rasmi ya Wizara, ambayo inajumuisha: Rahel John Mawela – Mradi wa Mbuzi Faustina Cladio Msumeno – Mradi wa Kuku wa Mayai William Isaya Moringe – Mradi wa Mbuzi Mashaka Medard Jastin – Mradi wa Mfumo wa Ubaridi Aibini Leonard John – Mradi wa Mbuzi Britney Shadi Pandisha – Mradi wa Kuku wa Nyama Sisilia Augustino Michael – Mradi wa Mbuzi Ofisi ya Mbunge inawapongeza wanufaika wote kwa kufanikiwa kupata fursa hiyo muhimu na inawatakia mafanikio katika utekelezaji wa ...
Image

ZIARA YA MIKUTANO YA HADHARA YA MHE. EDEFONSI JOACKIM KANONI MBUNGE JIMBO LA KALAMBO YATANGAZWA

  Ofisi ya Mbunge wa Jimbo la Kalambo inapenda kuwataarifu wananchi wote wa Jimbo la Kalambo kuwa Mhe. Edefonsi Joackim Kanoni (Mb), Mbunge wa Jimbo la Kalambo, atafanya ziara ya mikutano ya hadhara katika kata na vijiji mbalimbali vya jimbo kuanzia tarehe 20 Julai, 2026 hadi tarehe 10 Agosti, 2026, kwa mujibu wa ratiba iliyoambatanishwa.    Ziara hii inalenga kuimarisha mawasiliano kati ya Mbunge na wananchi kwa kukutana nao ana kwa ana, kusikiliza maoni, kero na changamoto zinazowakabili, pamoja na kupokea mapendekezo yatakayosaidia kuboresha huduma za kijamii na kuharakisha maendeleo ya Jimbo la Kalambo. Aidha, Mhe. Mbunge atatoa mrejesho kuhusu utekelezaji wa miradi ya maendeleo na kueleza mipango ya maendeleo inayotarajiwa kutekelezwa katika maeneo mbalimbali ya jimbo. Wananchi watapata fursa ya kuuliza maswali, kutoa maoni yao na kushiriki katika kujadili masuala muhimu yanayohusu maendeleo ya kata na vijiji vyao. Ushiriki wa wananchi katika mikutano hii ni msingi m...
Image