EN
📰 HABARI MPYA
Inapakia habari...
Afya

MBUNGE KANONI AIBANA SERIKALI BUNGENI KUBORESHA HUDUMA ZA AFYA KALAMBO

August 29, 2026
MBUNGE KANONI AIBANA SERIKALI BUNGENI KUBORESHA HUDUMA ZA AFYA KALAMBO

 



Dodoma: Mbunge wa Jimbo la Kalambo, Mhe. Edefonsi Joackim Kanoni, ameibana Serikali kuhusu uboreshaji wa huduma za afya katika Jimbo la Kalambo, akitaka hatua zichukuliwe kuhakikisha wananchi wanapata huduma bora za afya.

Mhe. Kanoni ametoa kauli hiyo wakati akiuliza swali la nyongeza Bungeni, ambapo aliishukuru Serikali kwa kutenga kiasi cha shilingi milioni 650 kwa ajili ya ujenzi wa Kituo cha Afya Ulumi, hatua ambayo itasaidia kuongeza upatikanaji wa huduma za afya kwa wananchi wa eneo hilo.

Hata hivyo, Mhe. Kanoni alitaka Serikali kutoa ufafanuzi kuhusu utekelezaji wa ahadi ya ujenzi wa Kituo cha Afya Kasanga, ambayo iliwahi kutolewa na Mhe. Kassim Majaliwa, Waziri Mkuu Mstaafu wa Jamhuri ya Muungano wa Tanzania.

Mbunge Kanoni aliuliza ni lini Serikali itatenga fedha kwa ajili ya ujenzi wa Kituo cha Afya Kasanga, ili wananchi wa Kata ya Kasanga waweze kupata huduma za afya kwa urahisi bila kulazimika kusafiri umbali mrefu kutafuta huduma hiyo.

Akijibu swali hilo, Prof. Liziki Shemdoe, Waziri wa Nchi, Ofisi ya Rais – TAMISEMI, alimpongeza Mhe. Edefonsi Joackim Kanoni kwa jitihada zake za kuendelea kuwapambania wananchi wa Kalambo pamoja na kufuatilia kwa karibu utekelezaji wa miradi ya maendeleo katika jimbo hilo.

Prof. Shemdoe alisema Serikali inaendelea kuandaa na kutenga fedha hatua kwa hatua, na kwamba fedha zitakapopatikana kwa ajili ya ujenzi wa Kituo cha Afya Kasanga, ujenzi utaanza ili kutekeleza na kukamilisha ahadi hiyo.

Kauli hiyo ya Serikali imeendelea kutoa matumaini kwa wananchi wa Kata ya Kasanga, ambao wamekuwa wakihitaji huduma ya afya inayopatikana karibu na maeneo yao.

Mhe. Kanoni ameendelea kusisitiza umuhimu wa Serikali kuendelea kuboresha huduma za afya na kutekeleza miradi ya maendeleo inayolenga kuboresha maisha ya wananchi wa Jimbo la Kalambo.


Imetolewa na:

Musa Frackison Mzopola

Katibu wa Mbunge Jimbo la Kalambo

Umemaliza kusoma habari hii? Tupe maoni, mtazamo au swali lako hapa chini.

Comments

Post a Comment

MATUKIO KWA NJIA YA PICHA

Inapakia picha...

HABARI MAARUFU

FURSA ZA MIKOPO YA VIJANA SASA HADHARANI OMBA SASA UJIKWAMUE KIUCHUMI

  Katika kutekeleza ahadi ya Mhe. Dkt. Samia Suluhu Hassan, Rais wa Jamhuri ya Muungano wa Tanzania, ya kutoa shilingi bilioni 200 kwa vijana ndani ya siku 100 baada ya kuingia madarakani, Wizara ya Mifugo na Uvuvi inautangazia umma kuanza kwa Awamu ya Pili ya utoaji wa mikopo yenye masharti nafuu kwa vijana. Malengo ya mikopo hiyo ni kuwawezesha vijana kupata mitaji ya kuanzisha na kuendeleza biashara ndogo, biashara za kati na kampuni changa ili kujijengea kipato katika Sekta za Mifugo na Uvuvi. Mikopo hiyo itatolewa kwa njia ya vifaa na pembejeo za uzalishaji, ikiwemo ufugaji wa samaki kwa vizimba, ufugaji wa kuku (chotara, mayai na nyama), mbuzi, kondoo na nguruwe, pamoja na boti za kuhudumia vizimba, boti za uvuvi, zana za uvuvi, mifumo ya ubari (cold chain) katika mazao ya uvuvi, mifumo ya kulazisha vifaranga vya samaki, mifumo na vifaa vya uchakataji wa mazao ya uvuvi ikijumuisha makausho ya dagaa na mwani (dryers). Vigezo na maelekezo kwa waombaji ni kama ifuatavyo: i. Baru...
Image

NAFASI 200 ZA AJIRA ZA MAFUNDI ZATANGAZWA KWA KAZI NCHINI SAUDI ARABIA

  Ofisi ya Waziri Mkuu – Kazi, Ajira na Mahusiano, kwa kushirikiana na Atilis Investment Limited , inawataarifu Watanzania wenye sifa stahiki kuhusu nafasi 200 za ajira za mafundi katika sekta ya ujenzi , zilizotolewa na kampuni ya Shade Corporation Limited ya nchini Saudi Arabia. KADA ZINAZOHITAJIKA Nafasi hizo zinahusisha mafundi wa kada mbalimbali, wakiwemo: Mafundi Uashi Mafundi Useremala Wasuka Nondo SIFA ZA MWOMBAJI Mwombaji anatakiwa kuwa na: Elimu ya astashahada kutoka chuo cha ufundi kinachotambuliwa na Serikali; Uzoefu wa kazi wa miaka miwili (2) au zaidi katika sekta ya ufundi; Uwezo na uzoefu katika kada husika, ikiwemo Uashi, Useremala au Usuka Nondo; Umri kati ya miaka 21 hadi 40 ; Waombaji wa nafasi hizi wanatakiwa kuwa wanaume . MASHARTI NA MAFANO YA AJIRA Waombaji watakaofaulu mchakato wa ajira watapata fursa ya kufanya kazi nchini Saudi Arabia kwa masharti yaliyowekwa na mwajiri. Miongoni mwa mafao na masharti ya ajira ni: Mshahara wa Riyal 1...
Image

MHE. MBUNGE KANONI ASHIRIKI MAZISHI YA WAATHIRIKA WA AJALI KAZILA, ATOA WITO WA UPENDO, UMOJA NA MSHIKAMANO

  KALAMBO: Mbunge wa Jimbo la Kalambo, Mhe. Edefonsi Joackim Kanoni , ameshiriki mazishi ya wananchi wawili waliofariki dunia katika ajali ya gari iliyotokea katika Kijiji cha Kazila, Kata ya Mwazye, Wilaya ya Kalambo, huku akitoa pole na faraja kwa familia, ndugu, jamaa, marafiki pamoja na wananchi wote walioguswa na msiba huo. Ajali hiyo ilitokea tarehe 05 Agosti 2026 , wakati gari aina ya Fuso lililokuwa limebeba watu waliokuwa wakielekea kwenye shughuli ya harusi kutoka Kijiji cha Msoma, Kata ya Mwazye, Wilaya ya Kalambo , lilipofika katika Kijiji cha Kazila kwa ajili ya shughuli ya kufunga ndoa. Kwa mujibu wa taarifa zilizotolewa, gari hilo lilikuwa limembeba bwana harusi, Hosea Gilbert Watua , pamoja na watu wengine waliokuwa wakisafiri naye kutoka Kijiji cha Msoma kuelekea Kijiji cha Kazila, ambako alikuwa akienda kufunga ndoa na bibi harusi, Mehili Sauli Visent , mkazi wa Kijiji cha Kazila, Kata ya Mwazye. AJALI YATOKEA KABLA YA KUFIKA KWENYE DARAJA Taarifa zinaeleza ...
Image