EN
📰 HABARI MPYA
Inapakia habari...
Habari

MUSA KATIBU WA MHE. MBUNGE KANONI AMWAKILISHA MBUNGE KWENYE UFUNGUZI WA LIGI, WILAYA YA KALAMBO

August 17, 2026
MUSA KATIBU WA MHE. MBUNGE KANONI AMWAKILISHA MBUNGE KWENYE UFUNGUZI WA LIGI, WILAYA YA KALAMBO

 

KALAMBO — Katibu wa Mbunge wa Jimbo la Kalambo, Musa Frackison Mzopola, amemwakilisha Mbunge wa Jimbo la Kalambo, Mhe. Edefonsi Joackim Kanoni, katika hafla ya ufunguzi wa ligi ya mpira wa miguu iliyolenga kuhamasisha vijana kushiriki michezo, kuibua vipaji na kuimarisha umoja na mshikamano miongoni mwa wananchi wa Wilaya ya Kalambo.

Akizungumza katika hafla hiyo kwa niaba ya Mhe. Kanoni, Musa aliwasilisha salamu za Mbunge kwa wananchi, viongozi, waandaaji wa ligi pamoja na wachezaji walioshiriki katika mashindano hayo.

Musa alisema Mhe. Kanoni anatambua nafasi muhimu ya michezo katika jamii, hususan kwa vijana, kwa kuwa michezo husaidia kujenga afya, nidhamu, mshikamano na kutoa fursa kwa vijana kuendeleza vipaji vyao.

Katika kuunga mkono na kuhamasisha mashindano hayo, Musa alieleza kuwa Mhe. Kanoni ameandaa zawadi za fedha kwa timu zitakazofanya vizuri katika ligi hiyo. Alisema mshindi wa kwanza atapatiwa Shilingi 1,000,000, mshindi wa pili Shilingi 500,000, mshindi wa tatu Shilingi 300,000, huku mshindi wa nne akipata Shilingi 200,000.

Musa alisema zawadi hizo ni sehemu ya jitihada za Mhe. Kanoni za kuhamasisha vijana kushiriki kikamilifu katika michezo, kuibua vipaji vipya na kuwapa motisha ya kujituma katika mashindano.

Alisisitiza kuwa vijana wanapaswa kutumia fursa za michezo kujenga maisha yao, akiwataka kuwa na nidhamu, kujituma, kuheshimu wapinzani wao na kuendelea kuamini katika uwezo wao.

Kwa mujibu wa ujumbe uliowasilishwa kwa niaba ya Mbunge, Ofisi ya Mbunge wa Jimbo la Kalambo itaendelea kushirikiana na wananchi pamoja na viongozi na wadau mbalimbali katika kuunga mkono shughuli zinazolenga kuleta maendeleo na kukuza vipaji vya vijana.

Musa pia aliwataka wachezaji kushindana kwa kuzingatia nidhamu, mshikamano, kuheshimiana na kutanguliza amani, akisisitiza kuwa lengo la ligi si ushindi pekee, bali pia kujenga mahusiano mazuri na mshikamano miongoni mwa vijana na wananchi.

Aidha, aliwapongeza waandaaji wa ligi hiyo kwa hatua yao ya kuandaa mashindano hayo, akiwataka kuendelea kushirikiana na viongozi pamoja na wadau mbalimbali ili michezo iweze kuendelea kukua na kutoa fursa zaidi kwa vijana wa Kalambo.

Katika hafla hiyo, ujumbe wa Mhe. Kanoni ulisisitiza umuhimu wa wananchi na viongozi kushirikiana katika kuibua na kuendeleza vipaji vya vijana, huku michezo ikitazamwa pia kama nyenzo muhimu ya kujenga umoja, mshikamano na maendeleo katika jamii.

Musa alihitimisha kwa kuwatakia wachezaji wote mafanikio katika mashindano hayo na kuwataka kutumia ligi hiyo kama fursa ya kuonyesha uwezo wao, kujifunza, kujenga nidhamu na kuweka msingi wa kufikia hatua kubwa zaidi katika taaluma ya michezo.

Imetolewa na:
Musa Frackison Mzopola
Katibu wa Mbunge, Jimbo la Kalambo


Umemaliza kusoma habari hii? Tupe maoni, mtazamo au swali lako hapa chini.

Comments

Post a Comment

MATUKIO KWA NJIA YA PICHA

Inapakia picha...

HABARI MAARUFU

TANGAZO LA MIKOPO KWA VIJANA AWAMU YA PILI

  Katika kutekeleza ahadi ya Mhe. Dkt. Samia Suluhu Hassan, Rais wa Jamhuri ya Muungano wa Tanzania, ya kutoa shilingi bilioni 200 kwa vijana ndani ya siku 100 baada ya kuingia madarakani, Wizara ya Mifugo na Uvuvi inautangazia umma kuanza kwa Awamu ya Pili ya utoaji wa mikopo yenye masharti nafuu kwa vijana. Malengo ya mikopo hiyo ni kuwawezesha vijana kupata mitaji ya kuanzisha na kuendeleza biashara ndogo, biashara za kati na kampuni changa ili kujijengea kipato katika Sekta za Mifugo na Uvuvi. Mikopo hiyo itatolewa kwa njia ya vifaa na pembejeo za uzalishaji, ikiwemo ufugaji wa samaki kwa vizimba, ufugaji wa kuku (chotara, mayai na nyama), mbuzi, kondoo na nguruwe, pamoja na boti za kuhudumia vizimba, boti za uvuvi, zana za uvuvi, mifumo ya ubari (cold chain) katika mazao ya uvuvi, mifumo ya kulazisha vifaranga vya samaki, mifumo na vifaa vya uchakataji wa mazao ya uvuvi ikijumuisha makausho ya dagaa na mwani (dryers). Vigezo na maelekezo kwa waombaji ni kama ifuatavyo: i. Baru...
Image

MHE. MBUNGE KANONI ASHIRIKI MAZISHI YA WAATHIRIKA WA AJALI KAZILA, ATOA WITO WA UPENDO, UMOJA NA MSHIKAMANO

  KALAMBO: Mbunge wa Jimbo la Kalambo, Mhe. Edefonsi Joackim Kanoni , ameshiriki mazishi ya wananchi wawili waliofariki dunia katika ajali ya gari iliyotokea katika Kijiji cha Kazila, Kata ya Mwazye, Wilaya ya Kalambo, huku akitoa pole na faraja kwa familia, ndugu, jamaa, marafiki pamoja na wananchi wote walioguswa na msiba huo. Ajali hiyo ilitokea tarehe 05 Agosti 2026 , wakati gari aina ya Fuso lililokuwa limebeba watu waliokuwa wakielekea kwenye shughuli ya harusi kutoka Kijiji cha Msoma, Kata ya Mwazye, Wilaya ya Kalambo , lilipofika katika Kijiji cha Kazila kwa ajili ya shughuli ya kufunga ndoa. Kwa mujibu wa taarifa zilizotolewa, gari hilo lilikuwa limembeba bwana harusi, Hosea Gilbert Watua , pamoja na watu wengine waliokuwa wakisafiri naye kutoka Kijiji cha Msoma kuelekea Kijiji cha Kazila, ambako alikuwa akienda kufunga ndoa na bibi harusi, Mehili Sauli Visent , mkazi wa Kijiji cha Kazila, Kata ya Mwazye. AJALI YATOKEA KABLA YA KUFIKA KWENYE DARAJA Taarifa zinaeleza ...
Image