EN
📰 HABARI MPYA
Inapakia habari...
Elimu

AMKA, AMINI NDOTO ZAKO! MHE. KANONI ATOA UJUMBE MZITO KWA WANAFUNZI WA DARASA LA SABA WANAOFANYA MITIHANI LEO

September 09, 2026
AMKA, AMINI NDOTO ZAKO! MHE. KANONI ATOA UJUMBE MZITO KWA WANAFUNZI WA DARASA LA SABA WANAOFANYA MITIHANI LEO

 

Kalambo, Septemba 9, 2026 — Mbunge wa Jimbo la Kalambo, Mhe. Edefonsi Joachim Kanoni, amewatakia heri, utulivu na mafanikio wanafunzi wote wa Darasa la Saba wanaofanya Mitihani ya Kuhitimu Elimu ya Msingi kuanzia leo tarehe 09 hadi 10 Septemba 2026 nchini kote.

Mhe. Kanoni amewahimiza wanafunzi hao kufanya mitihani kwa utulivu, umakini na kujiamini, huku wakizingatia yale waliyofundishwa na kujifunza kwa bidii katika kipindi chao chote cha elimu ya msingi.

Amesisitiza kuwa kufanya vizuri katika mitihani kunahitaji mwanafunzi kusoma kwa bidii, kuelewa anachojifunza, kusikiliza maelekezo ya walimu na kuyazingatia wakati wa kufanya mtihani. Aidha, amewataka kuepuka hofu, kukata tamaa na vitendo vya udanganyifu katika mitihani.

MAMBO MUHIMU WAKATI WA MTIHANI

Wanafunzi wametakiwa kusoma kwa makini kila swali, kujibu kwa kuzingatia walichofundishwa, kugawa muda vizuri na kufuata maelekezo yote ya wasimamizi wa mitihani.

Pia wametakiwa kuepuka udanganyifu, kutokata tamaa wanapokutana na swali gumu na kuhakikisha wanatumia muda wao kwa uangalifu hadi mwisho wa mtihani.

BAADA YA SHULE, SAFARI YA MAISHA INAENDELEA

Mhe. Kanoni amewakumbusha wanafunzi kuwa kumaliza elimu ya msingi si mwisho wa safari, bali ni mwanzo wa hatua nyingine muhimu katika maisha yao.

Amewahimiza kuendelea na masomo pale wanapopata fursa, kujifunza stadi mbalimbali, kufanya kazi kwa bidii na kutumia muda wao kujenga maisha yenye mafanikio.

Aidha, amewataka kujiepusha na vitendo viovu na makundi mabaya yanayoweza kuharibu maisha, elimu na ndoto zao, huku wakizingatia nidhamu, maadili na heshima kwa wazazi, walezi na walimu.

AMINI NDOTO ZAKO, MUNGU ATANGULIE

Mhe. Kanoni amewapa wanafunzi hao hamasa ya kuamini kwamba ndoto zao zinaweza kutimia ikiwa watafanya kazi kwa bidii, kuwa na nidhamu, uvumilivu na kumtanguliza Mungu katika maisha yao.

“Amini katika ndoto zako. Usikubali changamoto zikufanye uamini kwamba huwezi kufanikiwa. Kwa bidii, nidhamu, uvumilivu na kumtanguliza Mungu, inawezekana kufikia malengo yako.”

WAWE WAZALENDO WA TANZANIA

Vilevile, Mhe. Kanoni amewahimiza kuwa vijana wazalendo, kulipenda Taifa lao, kuheshimu sheria na kutumia elimu yao kwa manufaa ya jamii na Tanzania kwa ujumla.

Amesema Taifa linahitaji vijana wenye maarifa, maadili, ubunifu na uzalendo ambao watakuwa tayari kushiriki katika kulijenga Taifa na kuleta maendeleo.

Mhe. Kanoni amewatakia wanafunzi wote wa Darasa la Saba kila la heri katika mitihani yao, akiwataka kuingia katika vyumba vya mitihani wakiwa na moyo wa kujiamini na kufanya kwa uwezo wao wote.

“Mungu awape utulivu, hekima na uwezo wa kufanya vizuri katika mitihani yenu. Kila la heri na kila la mafanikio!”

Imetolewa na:
Musa Frackison Mzopola
Katibu wa Mbunge Jimbo la Kalambo


Umemaliza kusoma habari hii? Tupe maoni, mtazamo au swali lako hapa chini.

Comments

Post a Comment

MATUKIO KWA NJIA YA PICHA

Inapakia picha...

HABARI MAARUFU

FURSA ZA MIKOPO YA VIJANA SASA HADHARANI OMBA SASA UJIKWAMUE KIUCHUMI

  Katika kutekeleza ahadi ya Mhe. Dkt. Samia Suluhu Hassan, Rais wa Jamhuri ya Muungano wa Tanzania, ya kutoa shilingi bilioni 200 kwa vijana ndani ya siku 100 baada ya kuingia madarakani, Wizara ya Mifugo na Uvuvi inautangazia umma kuanza kwa Awamu ya Pili ya utoaji wa mikopo yenye masharti nafuu kwa vijana. Malengo ya mikopo hiyo ni kuwawezesha vijana kupata mitaji ya kuanzisha na kuendeleza biashara ndogo, biashara za kati na kampuni changa ili kujijengea kipato katika Sekta za Mifugo na Uvuvi. Mikopo hiyo itatolewa kwa njia ya vifaa na pembejeo za uzalishaji, ikiwemo ufugaji wa samaki kwa vizimba, ufugaji wa kuku (chotara, mayai na nyama), mbuzi, kondoo na nguruwe, pamoja na boti za kuhudumia vizimba, boti za uvuvi, zana za uvuvi, mifumo ya ubari (cold chain) katika mazao ya uvuvi, mifumo ya kulazisha vifaranga vya samaki, mifumo na vifaa vya uchakataji wa mazao ya uvuvi ikijumuisha makausho ya dagaa na mwani (dryers). Vigezo na maelekezo kwa waombaji ni kama ifuatavyo: i. Baru...
Image

NAFASI 200 ZA AJIRA ZA MAFUNDI ZATANGAZWA KWA KAZI NCHINI SAUDI ARABIA

  Ofisi ya Waziri Mkuu – Kazi, Ajira na Mahusiano, kwa kushirikiana na Atilis Investment Limited , inawataarifu Watanzania wenye sifa stahiki kuhusu nafasi 200 za ajira za mafundi katika sekta ya ujenzi , zilizotolewa na kampuni ya Shade Corporation Limited ya nchini Saudi Arabia. KADA ZINAZOHITAJIKA Nafasi hizo zinahusisha mafundi wa kada mbalimbali, wakiwemo: Mafundi Uashi Mafundi Useremala Wasuka Nondo SIFA ZA MWOMBAJI Mwombaji anatakiwa kuwa na: Elimu ya astashahada kutoka chuo cha ufundi kinachotambuliwa na Serikali; Uzoefu wa kazi wa miaka miwili (2) au zaidi katika sekta ya ufundi; Uwezo na uzoefu katika kada husika, ikiwemo Uashi, Useremala au Usuka Nondo; Umri kati ya miaka 21 hadi 40 ; Waombaji wa nafasi hizi wanatakiwa kuwa wanaume . MASHARTI NA MAFANO YA AJIRA Waombaji watakaofaulu mchakato wa ajira watapata fursa ya kufanya kazi nchini Saudi Arabia kwa masharti yaliyowekwa na mwajiri. Miongoni mwa mafao na masharti ya ajira ni: Mshahara wa Riyal 1...
Image

MHE. MBUNGE KANONI ASHIRIKI MAZISHI YA WAATHIRIKA WA AJALI KAZILA, ATOA WITO WA UPENDO, UMOJA NA MSHIKAMANO

  KALAMBO: Mbunge wa Jimbo la Kalambo, Mhe. Edefonsi Joackim Kanoni , ameshiriki mazishi ya wananchi wawili waliofariki dunia katika ajali ya gari iliyotokea katika Kijiji cha Kazila, Kata ya Mwazye, Wilaya ya Kalambo, huku akitoa pole na faraja kwa familia, ndugu, jamaa, marafiki pamoja na wananchi wote walioguswa na msiba huo. Ajali hiyo ilitokea tarehe 05 Agosti 2026 , wakati gari aina ya Fuso lililokuwa limebeba watu waliokuwa wakielekea kwenye shughuli ya harusi kutoka Kijiji cha Msoma, Kata ya Mwazye, Wilaya ya Kalambo , lilipofika katika Kijiji cha Kazila kwa ajili ya shughuli ya kufunga ndoa. Kwa mujibu wa taarifa zilizotolewa, gari hilo lilikuwa limembeba bwana harusi, Hosea Gilbert Watua , pamoja na watu wengine waliokuwa wakisafiri naye kutoka Kijiji cha Msoma kuelekea Kijiji cha Kazila, ambako alikuwa akienda kufunga ndoa na bibi harusi, Mehili Sauli Visent , mkazi wa Kijiji cha Kazila, Kata ya Mwazye. AJALI YATOKEA KABLA YA KUFIKA KWENYE DARAJA Taarifa zinaeleza ...
Image