EN
📰 HABARI MPYA
Inapakia habari...
Habari

MACHIFU KALAMBO WAMPA MHE. KANONI BARAKA NA KUMUHIMIZA KUENDELEA NA KAZI ZA MAENDELEO

September 21, 2026
MACHIFU KALAMBO WAMPA MHE. KANONI BARAKA NA KUMUHIMIZA KUENDELEA NA KAZI ZA MAENDELEO

 

Mhe. Edefonsi Joackim Kanoni, Mbunge wa Jimbo la Kalambo, amekutana na kufanya kikao na Machifu wa Wilaya ya Kalambo, ambapo pamoja na mambo mengine, amewashukuru Machifu hao kwa baraka, ushauri na ushirikiano wao, pamoja na mchango wao katika safari yake ya kuingia katika nafasi ya Ubunge wa Jimbo la Kalambo.

Akizungumza katika kikao hicho, Mhe. Kanoni amewashukuru Machifu kwa kuendelea kutambua na kuunga mkono juhudi za maendeleo katika Jimbo la Kalambo, huku pia akiwashukuru wananchi wote walioshiriki katika kufanikisha ushindi wake.

Aeleza utekelezaji wa Ilani ndani ya miezi tisa

Mhe. Kanoni ameeleza mambo mbalimbali ya utekelezaji wa Ilani ya Chama cha Mapinduzi yaliyofanyika katika kipindi cha miezi tisa tangu alipoingia madarakani, akieleza hatua mbalimbali zilizochukuliwa katika kushughulikia changamoto na mahitaji ya wananchi wa Kalambo.

Ameomba Machifu pamoja na wananchi wote wa Kalambo kuendelea kushirikiana na kushikamana, akisisitiza kuwa umoja na mshikamano ni muhimu katika kuleta maendeleo ya Wilaya ya Kalambo.

Machifu wampongeza Mhe. Kanoni

Kwa upande wao, Machifu wa Wilaya ya Kalambo wamemshukuru Mhe. Kanoni kwa kutambua umuhimu wao na kuendelea kuthamini makundi mbalimbali ya kijamii katika utekelezaji wa majukumu yake.

Machifu hao wamempongeza kwa kazi wanazoeleza kuwa ni za kizalendo katika kuwatumikia wananchi na kushiriki katika juhudi za kuleta maendeleo Kalambo.

Aidha, wameahidi kuendelea kumpa ushirikiano katika kujenga Kalambo, huku wakimsihi aendelee kuwa kama alivyo sasa na asibadilike, pamoja na kuendelea kutatua changamoto za wananchi kwa wakati ili kupunguza mlundikano wa kero.

Wasisitiza umuhimu wa Machifu katika jamii

Machifu wameeleza pia umuhimu wa viongozi wa kimila katika jamii, wakimshukuru Mhe. Dkt. Samia Suluhu Hassan kwa kurejesha mfumo wa Machifu kama viongozi wa kimila.

Wamesema Machifu wana jukumu kubwa la kusaidia jamii kudumisha maadili mema yanayoendana na desturi na tamaduni za Kitanzania, pamoja na kushirikiana na Serikali katika kutatua migogoro mbalimbali, hususan migogoro ya ardhi ambayo wameeleza kuwa ni changamoto kubwa katika Wilaya ya Kalambo.

Wamueleza Mbunge changamoto ya usafiri

Pamoja na majukumu hayo, Machifu wameeleza kuwa wanafanya kazi katika mazingira magumu, hasa kutokana na changamoto ya usafiri inayowakabili katika kufika maeneo mbalimbali ya Wilaya ya Kalambo.

Wameeleza kuwa Wilaya ya Kalambo ina kata 23 na vijiji 111, huku ikiwa na Machifu watatu pekee kwa wilaya nzima.

Kutokana na hali hiyo, wamemuomba Mhe. Kanoni kuwasilisha changamoto hiyo kwa Mhe. Dkt. Samia Suluhu Hassan, ambaye wamemtaja kuwa Mkuu wa Machifu wote Tanzania, ili kusaidia kuweka mazingira bora ya kuwawezesha kutekeleza majukumu yao kwa ufanisi zaidi.

Mbunge kuendelea kukutana na makundi mbalimbali

Kikao hicho ni sehemu ya utaratibu unaoendelea wa Mhe. Kanoni wa kukutana na kusikiliza maoni na changamoto za makundi mbalimbali ya kijamii katika Jimbo la Kalambo.

Katika mwendelezo huo, tarehe 26 Septemba 2026, Mhe. Kanoni amepanga kukutana na vijana wa bodaboda wapatao 360, watakaowakilisha vijana kutoka kila kata ya Wilaya ya Kalambo.

Atoa wito wa kudumisha umoja na amani

Akihitimisha kikao hicho, Mhe. Kanoni amewaomba wananchi wa Kalambo kuendelea kudumisha upendo, mshikamano, umoja na amani, akieleza kuwa misingi hiyo ni muhimu katika kujenga Kalambo yenye maendeleo.


KAZI NA UTU TUNASONGA MBELE


Imetolewa na:

Musa Frackison Mzopola

Katibu wa Mbunge Jimbo la Kalambo

Umemaliza kusoma habari hii? Tupe maoni, mtazamo au swali lako hapa chini.

Comments

Post a Comment

MATUKIO KWA NJIA YA PICHA

Inapakia picha...

HABARI MAARUFU

FURSA ZA MIKOPO YA VIJANA SASA HADHARANI OMBA SASA UJIKWAMUE KIUCHUMI

  Katika kutekeleza ahadi ya Mhe. Dkt. Samia Suluhu Hassan, Rais wa Jamhuri ya Muungano wa Tanzania, ya kutoa shilingi bilioni 200 kwa vijana ndani ya siku 100 baada ya kuingia madarakani, Wizara ya Mifugo na Uvuvi inautangazia umma kuanza kwa Awamu ya Pili ya utoaji wa mikopo yenye masharti nafuu kwa vijana. Malengo ya mikopo hiyo ni kuwawezesha vijana kupata mitaji ya kuanzisha na kuendeleza biashara ndogo, biashara za kati na kampuni changa ili kujijengea kipato katika Sekta za Mifugo na Uvuvi. Mikopo hiyo itatolewa kwa njia ya vifaa na pembejeo za uzalishaji, ikiwemo ufugaji wa samaki kwa vizimba, ufugaji wa kuku (chotara, mayai na nyama), mbuzi, kondoo na nguruwe, pamoja na boti za kuhudumia vizimba, boti za uvuvi, zana za uvuvi, mifumo ya ubari (cold chain) katika mazao ya uvuvi, mifumo ya kulazisha vifaranga vya samaki, mifumo na vifaa vya uchakataji wa mazao ya uvuvi ikijumuisha makausho ya dagaa na mwani (dryers). Vigezo na maelekezo kwa waombaji ni kama ifuatavyo: i. Baru...
Image

NAFASI 200 ZA AJIRA ZA MAFUNDI ZATANGAZWA KWA KAZI NCHINI SAUDI ARABIA

  Ofisi ya Waziri Mkuu – Kazi, Ajira na Mahusiano, kwa kushirikiana na Atilis Investment Limited , inawataarifu Watanzania wenye sifa stahiki kuhusu nafasi 200 za ajira za mafundi katika sekta ya ujenzi , zilizotolewa na kampuni ya Shade Corporation Limited ya nchini Saudi Arabia. KADA ZINAZOHITAJIKA Nafasi hizo zinahusisha mafundi wa kada mbalimbali, wakiwemo: Mafundi Uashi Mafundi Useremala Wasuka Nondo SIFA ZA MWOMBAJI Mwombaji anatakiwa kuwa na: Elimu ya astashahada kutoka chuo cha ufundi kinachotambuliwa na Serikali; Uzoefu wa kazi wa miaka miwili (2) au zaidi katika sekta ya ufundi; Uwezo na uzoefu katika kada husika, ikiwemo Uashi, Useremala au Usuka Nondo; Umri kati ya miaka 21 hadi 40 ; Waombaji wa nafasi hizi wanatakiwa kuwa wanaume . MASHARTI NA MAFANO YA AJIRA Waombaji watakaofaulu mchakato wa ajira watapata fursa ya kufanya kazi nchini Saudi Arabia kwa masharti yaliyowekwa na mwajiri. Miongoni mwa mafao na masharti ya ajira ni: Mshahara wa Riyal 1...
Image

MHE. MBUNGE KANONI ASHIRIKI MAZISHI YA WAATHIRIKA WA AJALI KAZILA, ATOA WITO WA UPENDO, UMOJA NA MSHIKAMANO

  KALAMBO: Mbunge wa Jimbo la Kalambo, Mhe. Edefonsi Joackim Kanoni , ameshiriki mazishi ya wananchi wawili waliofariki dunia katika ajali ya gari iliyotokea katika Kijiji cha Kazila, Kata ya Mwazye, Wilaya ya Kalambo, huku akitoa pole na faraja kwa familia, ndugu, jamaa, marafiki pamoja na wananchi wote walioguswa na msiba huo. Ajali hiyo ilitokea tarehe 05 Agosti 2026 , wakati gari aina ya Fuso lililokuwa limebeba watu waliokuwa wakielekea kwenye shughuli ya harusi kutoka Kijiji cha Msoma, Kata ya Mwazye, Wilaya ya Kalambo , lilipofika katika Kijiji cha Kazila kwa ajili ya shughuli ya kufunga ndoa. Kwa mujibu wa taarifa zilizotolewa, gari hilo lilikuwa limembeba bwana harusi, Hosea Gilbert Watua , pamoja na watu wengine waliokuwa wakisafiri naye kutoka Kijiji cha Msoma kuelekea Kijiji cha Kazila, ambako alikuwa akienda kufunga ndoa na bibi harusi, Mehili Sauli Visent , mkazi wa Kijiji cha Kazila, Kata ya Mwazye. AJALI YATOKEA KABLA YA KUFIKA KWENYE DARAJA Taarifa zinaeleza ...
Image