EN
📰 HABARI MPYA
Inapakia habari...
Fursa

PPRA YATANGAZA NAFASI 10 ZA AJIRA KATIKA SEKTA YA TEHAMA

September 04, 2026
PPRA YATANGAZA NAFASI 10 ZA AJIRA KATIKA SEKTA YA TEHAMA

 

DODOMA: Sekretarieti ya Ajira katika Utumishi wa Umma (PSRS), kwa niaba ya Mamlaka ya Udhibiti wa Ununuzi wa Umma (PPRA), imetangaza nafasi 10 za ajira kwa Watanzania wenye sifa katika kada mbalimbali za Teknolojia ya Habari na Mawasiliano (TEHAMA).

Tangazo hilo lenye kumbukumbu namba JA.9/16/01/54, limetolewa Septemba 1, 2026 na linawalenga wataalamu wenye uwezo, uadilifu, ari ya kufanya kazi na wanaozingatia matokeo.

Nafasi zilizotangazwa ni ICT Officer II (Software Development – Frontend) nafasi tatu, ICT Officer II (Software Development – Backend nafasi nne, ICT Officer II (Artificial Intelligence Applications) nafasi mbili, pamoja na ICT Officer II (Systems Analyst) nafasi moja.

NAFASI ZA SOFTWARE DEVELOPMENT – FRONTEND

PPRA imetangaza nafasi tatu za ICT Officer II – Software Development (Frontend).

Waombaji wanatakiwa kuwa na Shahada ya Computer Science, Software Engineering, Information Technology, Information Systems, Computer Engineering au sifa inayolingana kutoka katika taasisi ya elimu ya juu inayotambuliwa.

Mwombaji anatakiwa kuwa na uzoefu wa vitendo katika miradi ya programu au kuwa na jalada linaloonyesha uwezo wake wa kutengeneza programu. Pia anapaswa kuwa na ujuzi katika teknolojia za kutengeneza mifumo ya wavuti kama Angular, TypeScript, HTML5, Tailwind CSS, Flexbox, CSS Grid na Angular Material.

Aidha, mwombaji anatakiwa kuwa na ujuzi wa kutengeneza programu zinazofanya kazi katika mifumo mbalimbali kwa kutumia Flutter na Dart, pamoja na uelewa wa REST APIs, GraphQL, Git, GitHub au GitLab. Ujuzi wa UI/UX na matumizi ya Figma au zana nyingine zinazofanana ni faida ya ziada.

NAFASI ZA SOFTWARE DEVELOPMENT – BACKEND

Nafasi nne za ICT Officer II – Software Development (Backend) zimetangazwa kwa wataalamu wenye Shahada ya Computer Science, Software Engineering, Information Technology, Information Systems au Computer Engineering kutoka taasisi inayotambuliwa.

Waombaji wanatakiwa kuwa na uwezo mkubwa katika Java 21 au zaidi, Spring Boot, Spring Data JPA na Hibernate, pamoja na uzoefu katika REST APIs, GraphQL, PostgreSQL, RabbitMQ na mifumo ya uchakataji wa taarifa kwa njia zisizofungamana moja kwa moja.

Ujuzi katika Kubernetes, Redis, Spring Security, OAuth2, JWT, JUnit 5, GraphQL na Postman utakuwa faida ya ziada.

NAFASI ZA ARTIFICIAL INTELLIGENCE

Kwa upande wa Artificial Intelligence Applications, PPRA imetangaza nafasi mbili.

Waombaji wanatakiwa kuwa na Shahada ya Computer Science, Software Engineering, Artificial Intelligence, Data Science au taaluma nyingine inayohusiana na teknolojia.

Wanapaswa kuwa na ujuzi wa Python, TypeScript au JavaScript, pamoja na utengenezaji wa AI execution pipelines, RESTful APIs, JSON na mifumo ya uchakataji wa taarifa.

Pia wanatakiwa kuwa na uelewa au uzoefu wa kutumia mifumo ya Large Language Models (LLMs) inayoweza kuendeshwa kwenye kompyuta za ndani, ikiwemo Ollama, LM Studio, vLLM au LocalAI, au kutumia huduma za LLM zinazotolewa kupitia mifumo ya mtandaoni kama OpenAI, Gemini na Anthropic.

Waombaji pia wanatakiwa kuwa na uelewa wa prompt engineering, JSON schemas, function calling, tool use, agentic AI workflows, embeddings, vector databases na Retrieval-Augmented Generation (RAG).

NAFASI YA SYSTEMS ANALYST

Nafasi moja ya ICT Officer II – Systems Analyst imetangazwa.

Mwombaji anatakiwa kuwa na Shahada ya Computer Science, Information Systems, Information Technology, Software Engineering, Computer Engineering, Business Information Systems au taaluma inayolingana.

Mtaalamu huyo atahusika na uchambuzi wa mifumo na michakato ya biashara, ukusanyaji wa mahitaji ya watumiaji, uandaaji wa maelezo ya mifumo, nyaraka za kiufundi na miongozo ya watumiaji.

Pia atashiriki katika upimaji, utekelezaji, matengenezo na maboresho ya mifumo ya TEHAMA, kutoa msaada wa kiufundi kwa watumiaji, mafunzo, uchambuzi wa taarifa, uunganishaji wa mifumo na shughuli za uhakiki wa ubora.

Uelewa wa cyber security, enterprise applications na mifumo ya TEHAMA ya Serikali utakuwa faida ya ziada.

MSHAHARA

Nafasi zote 10 zilizotangazwa ziko katika daraja la mshahara PPRA 5.

MASHARTI YA JUMLA YA MAOMBI

Tangazo linaeleza kuwa waombaji wote lazima wawe raia wa Jamhuri ya Muungano wa Tanzania na wasizidi umri wa miaka 45.

Waombaji wanapaswa kuambatanisha nakala zilizothibitishwa za vyeti vyao vya elimu, ikiwa ni pamoja na shahada, diploma au vyeti vingine vinavyohitajika, pamoja na transcripts, vyeti vya usajili wa kitaaluma pale inapohitajika na cheti cha kuzaliwa.

Tangazo linasisitiza kuwa Form IV na Form VI results slips, testimonials pamoja na partial transcripts hazitakubaliwa.

Kila mwombaji anatakiwa pia kupakia picha ya hivi karibuni ya Passport Size katika mfumo wa maombi.

Watumishi walioajiriwa katika Utumishi wa Umma hawaruhusiwi kuomba nafasi hizo, na pia mtu aliyestaafu katika Utumishi wa Umma kwa sababu yoyote hatakiwi kuomba.

Mwombaji anatakiwa kutaja wadhamini watatu wanaotambulika pamoja na mawasiliano yao ya kuaminika.

Vyeti vya elimu vya nje ya nchi lazima vitambuliwe na mamlaka husika kama TCU, NECTA au NACTVET, kulingana na aina ya cheti.

NAMNA YA KUTUMA MAOMBI

Waombaji wanatakiwa kuandika barua ya maombi iliyosainiwa kwa Kiswahili au Kiingereza na kuiwasilisha kwa:

Secretary,
President's Office, Public Service Recruitment Secretariat,
P.O. Box 2320,
Mahakama Street, Tambukareli,
Dodoma.

Hata hivyo, maombi yote yanapaswa kutumwa kupitia Recruitment Portal ya Sekretarieti ya Ajira.

Tovuti ya kutuma maombi: portal.ajira.go.tz

Mwombaji anaweza pia kuipata Recruitment Portal kupitia tovuti ya Sekretarieti ya Ajira kwa kuchagua sehemu iliyoandikwa “Recruitment Portal.”

MWISHO WA MAOMBI

Mwisho wa kutuma maombi ni Septemba 14, 2026.

Sekretarieti ya Ajira imesema ni waombaji watakaofaulu katika hatua ya usaili wa awali pekee ndio watakaojulishwa tarehe ya usaili.

Aidha, tangazo linaonya kuwa mtu atakayewasilisha vyeti vya kughushi au taarifa za uongo atachukuliwa hatua za kisheria.

Sekretarieti imesisitiza kuwa maombi yatakayowasilishwa kwa njia nyingine tofauti na Recruitment Portal hayatazingatiwa.

Imetolewa na:
Katibu, Sekretarieti ya Ajira katika Utumishi wa Umma.

Umemaliza kusoma habari hii? Tupe maoni, mtazamo au swali lako hapa chini.

Comments

Post a Comment

MATUKIO KWA NJIA YA PICHA

Inapakia picha...

HABARI MAARUFU

FURSA ZA MIKOPO YA VIJANA SASA HADHARANI OMBA SASA UJIKWAMUE KIUCHUMI

  Katika kutekeleza ahadi ya Mhe. Dkt. Samia Suluhu Hassan, Rais wa Jamhuri ya Muungano wa Tanzania, ya kutoa shilingi bilioni 200 kwa vijana ndani ya siku 100 baada ya kuingia madarakani, Wizara ya Mifugo na Uvuvi inautangazia umma kuanza kwa Awamu ya Pili ya utoaji wa mikopo yenye masharti nafuu kwa vijana. Malengo ya mikopo hiyo ni kuwawezesha vijana kupata mitaji ya kuanzisha na kuendeleza biashara ndogo, biashara za kati na kampuni changa ili kujijengea kipato katika Sekta za Mifugo na Uvuvi. Mikopo hiyo itatolewa kwa njia ya vifaa na pembejeo za uzalishaji, ikiwemo ufugaji wa samaki kwa vizimba, ufugaji wa kuku (chotara, mayai na nyama), mbuzi, kondoo na nguruwe, pamoja na boti za kuhudumia vizimba, boti za uvuvi, zana za uvuvi, mifumo ya ubari (cold chain) katika mazao ya uvuvi, mifumo ya kulazisha vifaranga vya samaki, mifumo na vifaa vya uchakataji wa mazao ya uvuvi ikijumuisha makausho ya dagaa na mwani (dryers). Vigezo na maelekezo kwa waombaji ni kama ifuatavyo: i. Baru...
Image

NAFASI 200 ZA AJIRA ZA MAFUNDI ZATANGAZWA KWA KAZI NCHINI SAUDI ARABIA

  Ofisi ya Waziri Mkuu – Kazi, Ajira na Mahusiano, kwa kushirikiana na Atilis Investment Limited , inawataarifu Watanzania wenye sifa stahiki kuhusu nafasi 200 za ajira za mafundi katika sekta ya ujenzi , zilizotolewa na kampuni ya Shade Corporation Limited ya nchini Saudi Arabia. KADA ZINAZOHITAJIKA Nafasi hizo zinahusisha mafundi wa kada mbalimbali, wakiwemo: Mafundi Uashi Mafundi Useremala Wasuka Nondo SIFA ZA MWOMBAJI Mwombaji anatakiwa kuwa na: Elimu ya astashahada kutoka chuo cha ufundi kinachotambuliwa na Serikali; Uzoefu wa kazi wa miaka miwili (2) au zaidi katika sekta ya ufundi; Uwezo na uzoefu katika kada husika, ikiwemo Uashi, Useremala au Usuka Nondo; Umri kati ya miaka 21 hadi 40 ; Waombaji wa nafasi hizi wanatakiwa kuwa wanaume . MASHARTI NA MAFANO YA AJIRA Waombaji watakaofaulu mchakato wa ajira watapata fursa ya kufanya kazi nchini Saudi Arabia kwa masharti yaliyowekwa na mwajiri. Miongoni mwa mafao na masharti ya ajira ni: Mshahara wa Riyal 1...
Image

MHE. MBUNGE KANONI ASHIRIKI MAZISHI YA WAATHIRIKA WA AJALI KAZILA, ATOA WITO WA UPENDO, UMOJA NA MSHIKAMANO

  KALAMBO: Mbunge wa Jimbo la Kalambo, Mhe. Edefonsi Joackim Kanoni , ameshiriki mazishi ya wananchi wawili waliofariki dunia katika ajali ya gari iliyotokea katika Kijiji cha Kazila, Kata ya Mwazye, Wilaya ya Kalambo, huku akitoa pole na faraja kwa familia, ndugu, jamaa, marafiki pamoja na wananchi wote walioguswa na msiba huo. Ajali hiyo ilitokea tarehe 05 Agosti 2026 , wakati gari aina ya Fuso lililokuwa limebeba watu waliokuwa wakielekea kwenye shughuli ya harusi kutoka Kijiji cha Msoma, Kata ya Mwazye, Wilaya ya Kalambo , lilipofika katika Kijiji cha Kazila kwa ajili ya shughuli ya kufunga ndoa. Kwa mujibu wa taarifa zilizotolewa, gari hilo lilikuwa limembeba bwana harusi, Hosea Gilbert Watua , pamoja na watu wengine waliokuwa wakisafiri naye kutoka Kijiji cha Msoma kuelekea Kijiji cha Kazila, ambako alikuwa akienda kufunga ndoa na bibi harusi, Mehili Sauli Visent , mkazi wa Kijiji cha Kazila, Kata ya Mwazye. AJALI YATOKEA KABLA YA KUFIKA KWENYE DARAJA Taarifa zinaeleza ...
Image