EN
📰 HABARI MPYA
Inapakia habari...
Elimu

SERIKALI YA SAMIA YATIMIZA AHADI, MILIONI 195 ZATUA KALAMBO KUKAMILISHA VETA

September 01, 2026
SERIKALI YA SAMIA YATIMIZA AHADI, MILIONI 195 ZATUA KALAMBO KUKAMILISHA VETA

 

Kalambo, Rukwa — Ofisi ya Mbunge wa Jimbo la Kalambo, Mhe. Edefonsi Joackim Kanoni, imewajulisha wananchi wa Kalambo na Watanzania kwa ujumla kuwa Serikali imetimiza ahadi yake ya kutoa fedha kwa ajili ya kukamilisha ujenzi wa Chuo cha Elimu na Mafunzo ya Ufundi Stadi (VETA) Wilaya ya Kalambo.

Taarifa hiyo imeeleza kuwa hatua hiyo imefuatia juhudi na maombi yaliyowasilishwa na Mbunge wa Jimbo la Kalambo, Mhe. Edefonsi Joackim Kanoni, kupitia Wizara pamoja na Bunge wakati wa mjadala wa Bajeti ya Serikali kwa mwaka wa fedha 2026/2027, akiomba fedha kwa ajili ya kukamilisha mradi huo.

Katika majibu yake, Serikali ilieleza kuwa fedha kwa ajili ya kukamilisha VETA Kalambo zingetolewa ifikapo Oktoba 2026. Hata hivyo, Serikali inayoongozwa na Rais wa Jamhuri ya Muungano wa Tanzania, Dkt. Samia Suluhu Hassan, tayari imetekeleza ahadi hiyo kwa kutoa shilingi milioni 195, ambazo zimekwishawasili katika Halmashauri ya Wilaya ya Kalambo kwa ajili ya kuendeleza na kukamilisha mradi huo.

Ofisi ya Mbunge imetoa shukrani kwa Rais Dkt. Samia Suluhu Hassan, Mawaziri, Naibu Mawaziri pamoja na watendaji wote wa Serikali kwa kuendelea kuhakikisha fedha za miradi zinatolewa kwa wakati na kwa kuzingatia ahadi zinazotolewa kwa wananchi.

Ombi la kuongeza fedha ili VETA ianze kutoa mafunzo Januari 2027

Pamoja na fedha hizo kutolewa, Ofisi ya Mbunge imeiomba Serikali kuongeza fedha zaidi katika mradi huo ili kuwezesha kukamilika kwa VETA Kalambo kwa wakati na kutoa fursa kwa wanafunzi kuanza masomo ifikapo Januari 2027.

Kwa mujibu wa taarifa hiyo, changamoto iliyopo imetokana na Halmashauri ya Wilaya ya Kalambo kupokea fedha kwa awamu sita, tofauti na mpango wa Serikali wa kutoa fedha kwa awamu saba, kama ilivyokuwa kwa baadhi ya halmashauri nyingine.

Ofisi ya Mbunge imeeleza kuwa kukamilika kwa VETA Kalambo kutakuwa hatua muhimu katika kuwapatia vijana wa Wilaya ya Kalambo na maeneo jirani fursa ya kupata elimu na mafunzo ya ufundi stadi, hivyo kuwawezesha kujiajiri na kushiriki kikamilifu katika shughuli za kiuchumi.

Wito wa upendo, umoja na amani

Aidha, Ofisi ya Mbunge wa Jimbo la Kalambo imeendelea kuwasihi wananchi wa Kalambo pamoja na Watanzania wote kudumisha upendo, mshikamano, umoja na amani kwa ajili ya maendeleo ya taifa.

Ofisi hiyo imesisitiza kuwa mshikamano na amani ni msingi muhimu wa kufikia malengo ya maendeleo ya wananchi na taifa kwa ujumla.

“Tunawaomba Watanzania waendelee kuiamini Serikali ya Mama Samia kwa sababu inajibu kwa vitendo, si kwa maneno.”

Kazi na Utu, Tunasonga Mbele.


Imetolewa na:

Musa Frackison Mzopola

Katibu wa Mbunge, Jimbo la Kalambo

Umemaliza kusoma habari hii? Tupe maoni, mtazamo au swali lako hapa chini.

Comments

Post a Comment

MATUKIO KWA NJIA YA PICHA

Inapakia picha...

HABARI MAARUFU

FURSA ZA MIKOPO YA VIJANA SASA HADHARANI OMBA SASA UJIKWAMUE KIUCHUMI

  Katika kutekeleza ahadi ya Mhe. Dkt. Samia Suluhu Hassan, Rais wa Jamhuri ya Muungano wa Tanzania, ya kutoa shilingi bilioni 200 kwa vijana ndani ya siku 100 baada ya kuingia madarakani, Wizara ya Mifugo na Uvuvi inautangazia umma kuanza kwa Awamu ya Pili ya utoaji wa mikopo yenye masharti nafuu kwa vijana. Malengo ya mikopo hiyo ni kuwawezesha vijana kupata mitaji ya kuanzisha na kuendeleza biashara ndogo, biashara za kati na kampuni changa ili kujijengea kipato katika Sekta za Mifugo na Uvuvi. Mikopo hiyo itatolewa kwa njia ya vifaa na pembejeo za uzalishaji, ikiwemo ufugaji wa samaki kwa vizimba, ufugaji wa kuku (chotara, mayai na nyama), mbuzi, kondoo na nguruwe, pamoja na boti za kuhudumia vizimba, boti za uvuvi, zana za uvuvi, mifumo ya ubari (cold chain) katika mazao ya uvuvi, mifumo ya kulazisha vifaranga vya samaki, mifumo na vifaa vya uchakataji wa mazao ya uvuvi ikijumuisha makausho ya dagaa na mwani (dryers). Vigezo na maelekezo kwa waombaji ni kama ifuatavyo: i. Baru...
Image

NAFASI 200 ZA AJIRA ZA MAFUNDI ZATANGAZWA KWA KAZI NCHINI SAUDI ARABIA

  Ofisi ya Waziri Mkuu – Kazi, Ajira na Mahusiano, kwa kushirikiana na Atilis Investment Limited , inawataarifu Watanzania wenye sifa stahiki kuhusu nafasi 200 za ajira za mafundi katika sekta ya ujenzi , zilizotolewa na kampuni ya Shade Corporation Limited ya nchini Saudi Arabia. KADA ZINAZOHITAJIKA Nafasi hizo zinahusisha mafundi wa kada mbalimbali, wakiwemo: Mafundi Uashi Mafundi Useremala Wasuka Nondo SIFA ZA MWOMBAJI Mwombaji anatakiwa kuwa na: Elimu ya astashahada kutoka chuo cha ufundi kinachotambuliwa na Serikali; Uzoefu wa kazi wa miaka miwili (2) au zaidi katika sekta ya ufundi; Uwezo na uzoefu katika kada husika, ikiwemo Uashi, Useremala au Usuka Nondo; Umri kati ya miaka 21 hadi 40 ; Waombaji wa nafasi hizi wanatakiwa kuwa wanaume . MASHARTI NA MAFANO YA AJIRA Waombaji watakaofaulu mchakato wa ajira watapata fursa ya kufanya kazi nchini Saudi Arabia kwa masharti yaliyowekwa na mwajiri. Miongoni mwa mafao na masharti ya ajira ni: Mshahara wa Riyal 1...
Image

MHE. MBUNGE KANONI ASHIRIKI MAZISHI YA WAATHIRIKA WA AJALI KAZILA, ATOA WITO WA UPENDO, UMOJA NA MSHIKAMANO

  KALAMBO: Mbunge wa Jimbo la Kalambo, Mhe. Edefonsi Joackim Kanoni , ameshiriki mazishi ya wananchi wawili waliofariki dunia katika ajali ya gari iliyotokea katika Kijiji cha Kazila, Kata ya Mwazye, Wilaya ya Kalambo, huku akitoa pole na faraja kwa familia, ndugu, jamaa, marafiki pamoja na wananchi wote walioguswa na msiba huo. Ajali hiyo ilitokea tarehe 05 Agosti 2026 , wakati gari aina ya Fuso lililokuwa limebeba watu waliokuwa wakielekea kwenye shughuli ya harusi kutoka Kijiji cha Msoma, Kata ya Mwazye, Wilaya ya Kalambo , lilipofika katika Kijiji cha Kazila kwa ajili ya shughuli ya kufunga ndoa. Kwa mujibu wa taarifa zilizotolewa, gari hilo lilikuwa limembeba bwana harusi, Hosea Gilbert Watua , pamoja na watu wengine waliokuwa wakisafiri naye kutoka Kijiji cha Msoma kuelekea Kijiji cha Kazila, ambako alikuwa akienda kufunga ndoa na bibi harusi, Mehili Sauli Visent , mkazi wa Kijiji cha Kazila, Kata ya Mwazye. AJALI YATOKEA KABLA YA KUFIKA KWENYE DARAJA Taarifa zinaeleza ...
Image