EN
📰 HABARI MPYA
Inapakia habari...
Afya

MBUNGE WA JIMBO LA KALAMBO ASHIRIKI KUKIMBIZA MWENGE WA UHURU WILAYA YA KALAMBO, MIRADI MBALIMBALI YATEMBELEWA

October 12, 2026
MBUNGE WA JIMBO LA KALAMBO ASHIRIKI KUKIMBIZA MWENGE WA UHURU WILAYA YA KALAMBO, MIRADI MBALIMBALI YATEMBELEWA

 

KALAMBO, RUKWA — TAREHE 11 OKTOBA 2026

Mheshimiwa Mbunge wa Jimbo la Kalambo ameshiriki katika shughuli za kukimbiza Mwenge wa Uhuru katika Wilaya ya Kalambo tarehe 11 Oktoba 2026, ambapo Mwenge umetembelea miradi mbalimbali ya maendeleo, kuweka mawe ya msingi, kukabidhi vifaa kwa wananchi na vikundi, pamoja na kukagua utekelezaji wa miradi inayolenga kuboresha huduma za jamii na kuinua uchumi wa wananchi.

1. KATA YA KANYEZI, KIJIJI CHA KANYEZI

Katika Kata ya Kanyezi, Kijiji cha Kanyezi, Mwenge wa Uhuru umeweka jiwe la msingi katika ujenzi wa shule mpya ya sekondari. Hatua hiyo inalenga kuimarisha upatikanaji wa huduma za elimu na kuongeza fursa za wanafunzi kupata elimu katika mazingira bora.

Aidha, katika eneo hilo, Mwenge umekabidhi viti na meza za shule zilizotengenezwa kwa ufadhili wa Benki ya CRDB, Benki ya NMB na nguvu za wananchi. Vilevile, wananchi wamekabidhiwa majiko ya gesi na unga wa lishe kwa ajili ya kuhamasisha matumizi ya nishati safi na kuimarisha lishe katika jamii.


Katika ziara hiyo, Mwenge wa Uhuru pia umefungua ghala la mazao, hatua inayolenga kuimarisha uhifadhi wa mazao na kusaidia shughuli za kiuchumi za wananchi.

2. KATA YA ULUMI, KIJIJI CHA MNAZI

Katika Kata ya Ulumi, Kijiji cha Mnazi, Mwenge wa Uhuru umetembelea mradi wa tanki la maji lenye uwezo wa kuhifadhi lita 100,000.

Taarifa iliyotolewa wakati wa ziara hiyo imeeleza kuwa mradi huo umekamilika kwa asilimia 95. Kutokana na hali hiyo, maelekezo yametolewa kuhakikisha kuwa mradi unakamilika kwa asilimia 100 ifikapo tarehe 30 Oktoba 2026 ili uweze kuzinduliwa na Mkuu wa Mkoa wa Rukwa.


Vilevile, Mwenge wa Uhuru umeweka jiwe la msingi katika ujenzi wa Zahanati ya Mnazi, hatua inayolenga kuboresha upatikanaji wa huduma za afya kwa wananchi wa eneo hilo.

Katika kijiji hicho hicho, Mwenge wa Uhuru pia umeweka jiwe la msingi katika ujenzi wa Daraja la Mtula, ambalo linatarajiwa kurahisisha mawasiliano kati ya Kata ya Ulumi na Kata ya Mnamba. Kukamilika kwa daraja hilo kutarahisisha usafiri na usafirishaji wa bidhaa, kuongeza mwingiliano wa kijamii na kiuchumi, pamoja na kurahisisha upatikanaji wa huduma mbalimbali kwa wananchi wa maeneo hayo.

3. KATA YA MAMBWEKENYA, KIJIJI CHA MADIBILA

Katika Kata ya Mambwekenya, Kijiji cha Madibila, Mwenge wa Uhuru umekabidhi trekta lenye thamani ya shilingi milioni 100, likiwa na tela pamoja na jembe, kwa kikundi cha vijana cha Tuinuane Group.


Trekta hilo limepatikana kupitia mkopo kutoka Wizara ya Maendeleo ya Vijana, kwa lengo la kuwawezesha vijana kushiriki kikamilifu katika shughuli za uzalishaji mali, hususan kilimo, na kuongeza fursa za kujikwamua kiuchumi.

Makabidhiano hayo yanaonesha umuhimu wa kuwawezesha vijana kupata zana za uzalishaji ili kuongeza tija katika kilimo na kukuza shughuli za kiuchumi katika jamii.

WITO WA OFISI YA MBUNGE KWA WANANCHI

Ofisi ya Mbunge wa Jimbo la Kalambo inatoa shukrani za dhati kwa wananchi wote walioshiriki katika shughuli za Mwenge wa Uhuru katika Wilaya ya Kalambo.

Ofisi inawapongeza wananchi kwa ushiriki wao na inaendelea kuwasihi kudumisha upendo, mshikamano, umoja na amani, ambazo ni nguzo muhimu katika kuimarisha mahusiano ya kijamii na kuendeleza shughuli za maendeleo katika Wilaya ya Kalambo.

Aidha, wananchi wanahimizwa kuendelea kushirikiana na viongozi katika kusimamia na kulinda miradi ya maendeleo ili iweze kutoa huduma zilizokusudiwa na kuwanufaisha wananchi wote.

IMETOLEWA NA:

Musa Frackison Mzopola
Katibu wa Mbunge wa Jimbo la Kalambo

OFISI YA MBUNGE WA JIMBO LA KALAMBO


Umemaliza kusoma habari hii? Tupe maoni, mtazamo au swali lako hapa chini.

Comments

Post a Comment

MATUKIO KWA NJIA YA PICHA

Inapakia picha...

HABARI MAARUFU

FURSA ZA MIKOPO YA VIJANA SASA HADHARANI OMBA SASA UJIKWAMUE KIUCHUMI

  Katika kutekeleza ahadi ya Mhe. Dkt. Samia Suluhu Hassan, Rais wa Jamhuri ya Muungano wa Tanzania, ya kutoa shilingi bilioni 200 kwa vijana ndani ya siku 100 baada ya kuingia madarakani, Wizara ya Mifugo na Uvuvi inautangazia umma kuanza kwa Awamu ya Pili ya utoaji wa mikopo yenye masharti nafuu kwa vijana. Malengo ya mikopo hiyo ni kuwawezesha vijana kupata mitaji ya kuanzisha na kuendeleza biashara ndogo, biashara za kati na kampuni changa ili kujijengea kipato katika Sekta za Mifugo na Uvuvi. Mikopo hiyo itatolewa kwa njia ya vifaa na pembejeo za uzalishaji, ikiwemo ufugaji wa samaki kwa vizimba, ufugaji wa kuku (chotara, mayai na nyama), mbuzi, kondoo na nguruwe, pamoja na boti za kuhudumia vizimba, boti za uvuvi, zana za uvuvi, mifumo ya ubari (cold chain) katika mazao ya uvuvi, mifumo ya kulazisha vifaranga vya samaki, mifumo na vifaa vya uchakataji wa mazao ya uvuvi ikijumuisha makausho ya dagaa na mwani (dryers). Vigezo na maelekezo kwa waombaji ni kama ifuatavyo: i. Baru...
Image

NAFASI 200 ZA AJIRA ZA MAFUNDI ZATANGAZWA KWA KAZI NCHINI SAUDI ARABIA

  Ofisi ya Waziri Mkuu – Kazi, Ajira na Mahusiano, kwa kushirikiana na Atilis Investment Limited , inawataarifu Watanzania wenye sifa stahiki kuhusu nafasi 200 za ajira za mafundi katika sekta ya ujenzi , zilizotolewa na kampuni ya Shade Corporation Limited ya nchini Saudi Arabia. KADA ZINAZOHITAJIKA Nafasi hizo zinahusisha mafundi wa kada mbalimbali, wakiwemo: Mafundi Uashi Mafundi Useremala Wasuka Nondo SIFA ZA MWOMBAJI Mwombaji anatakiwa kuwa na: Elimu ya astashahada kutoka chuo cha ufundi kinachotambuliwa na Serikali; Uzoefu wa kazi wa miaka miwili (2) au zaidi katika sekta ya ufundi; Uwezo na uzoefu katika kada husika, ikiwemo Uashi, Useremala au Usuka Nondo; Umri kati ya miaka 21 hadi 40 ; Waombaji wa nafasi hizi wanatakiwa kuwa wanaume . MASHARTI NA MAFANO YA AJIRA Waombaji watakaofaulu mchakato wa ajira watapata fursa ya kufanya kazi nchini Saudi Arabia kwa masharti yaliyowekwa na mwajiri. Miongoni mwa mafao na masharti ya ajira ni: Mshahara wa Riyal 1...
Image

MHE. MBUNGE KANONI ASHIRIKI MAZISHI YA WAATHIRIKA WA AJALI KAZILA, ATOA WITO WA UPENDO, UMOJA NA MSHIKAMANO

  KALAMBO: Mbunge wa Jimbo la Kalambo, Mhe. Edefonsi Joackim Kanoni , ameshiriki mazishi ya wananchi wawili waliofariki dunia katika ajali ya gari iliyotokea katika Kijiji cha Kazila, Kata ya Mwazye, Wilaya ya Kalambo, huku akitoa pole na faraja kwa familia, ndugu, jamaa, marafiki pamoja na wananchi wote walioguswa na msiba huo. Ajali hiyo ilitokea tarehe 05 Agosti 2026 , wakati gari aina ya Fuso lililokuwa limebeba watu waliokuwa wakielekea kwenye shughuli ya harusi kutoka Kijiji cha Msoma, Kata ya Mwazye, Wilaya ya Kalambo , lilipofika katika Kijiji cha Kazila kwa ajili ya shughuli ya kufunga ndoa. Kwa mujibu wa taarifa zilizotolewa, gari hilo lilikuwa limembeba bwana harusi, Hosea Gilbert Watua , pamoja na watu wengine waliokuwa wakisafiri naye kutoka Kijiji cha Msoma kuelekea Kijiji cha Kazila, ambako alikuwa akienda kufunga ndoa na bibi harusi, Mehili Sauli Visent , mkazi wa Kijiji cha Kazila, Kata ya Mwazye. AJALI YATOKEA KABLA YA KUFIKA KWENYE DARAJA Taarifa zinaeleza ...
Image