📰 HABARI MPYA
Inapakia habari...

WITO WA KUJIUNGA NA JESHI LA KUJENGA TAIFA (JKT) KWA UTARATIBU WA KUJITOLEA (HIARI) MWAKA 2026/2027

WITO WA KUJIUNGA NA JESHI LA KUJENGA TAIFA (JKT) KWA UTARATIBU WA KUJITOLEA (HIARI) MWAKA 2026/2027

 

Husika na mada tajwa hapo juu.

2\. Ofisi ya Mkuu wa Wilaya Kalambo inawatangazia Vijana wote wa Wilaya ya Kalambo wanaopenda kujiunga na Jeshi la Kujenga Taifa (JKT) kwa utaratibu wa hiari kwa Mwaka 2026/2027 kujitokeza na kuomba nafasi hiyo.

3\. Utaratibu wa Maombi hayo unaratibiwa na Ofisi ya Mkuu wa Wilaya kwa kushirikiana na Ofisi ya Mshauri wa Jeshi la Akiba Wilaya ya Kalambo.

4\. ZINGATIA:

\- Maombi yataanza kupokelewa tarehe 13/11/2026 saa 1:30 Asubuhi mpaka 17/11/2026 saa 9:30 Alasiri na Usaili utafanyika tarehe 19/11/2026 kuanzia saa 01:00 asubuhi katika Ofisi ya Mkuu wa Wilaya ya Kalambo na siku hiyo Kila aliyeomba afike na vyeti halisi

\- Barua za maombi zitakazoandikwa zipitishwe kwa Watendaji wa Vijiji na Kata ili zisainiwe na kuwekwa muhuri.

5\. Aidha, maombi yote yawasilishwe katika Anuani hii:-

Ofisi ya Mkuu wa Wilaya, 9 Barabara ya Mkurugenzi Mtendaji, S. L. P 1, MATAI, 55481 KALAMBO.

SIFA ZA KUZINGATIA

A. Awe raia wa Tanzania.

B. Umri na Elimu

1\. Kwa Vijana wenye Elimu ya Darasa la Saba umri ni kuanzia miaka 16 hadi 18, waliomaliza Elimu ya Msingi kuanzia mwaka 2023, 2024, 2025, na 2026 na awe na Cheti halisi cha kumaliza Elimu ya Msingi.

2\. Vijana wenye Elimu ya Kidato cha Nne umri usiwe zaidi ya miaka 20, waliomaliza Elimu ya Sekondari kuanzia mwaka 2022, 2023, 2024 na 2025. Awe na ufaulu wa daraja la kwanza hadi la nne. Aidha, Kijana mwenye ufaulu wa daraja la nne awe na alama kuanzia 26 hadi 32. Awe na Cheti halisi cha kumaliza Elimu ya Sekondari (Secondary Leaving Certificate) na Cheti halisi cha matokeo (Academic Certificate). Pamoja na cheti halisi cha kumaliza elimu ya msingi.

3\. Vijana wenye Elimu ya Kidato cha Sita umri usiwe zaidi ya miaka 22, waliomaliza Elimu ya Sekondari kuanzia mwaka 2022, 2023, 2024 na 2025. Awe na ufaulu wa daraja la kwanza hadi daraja la nne. Awe na Cheti halisi cha kumaliza Elimu ya Sekondari (Secondary Leaving Certificate) na Cheti halisi cha matokeo (Academic Certificate). Pamoja na cheti cha kumaliza elimu ya msingi.

4\. Vijana wenye Elimu ya Stashahada umri usiwe zaidi ya miaka 25. Aidha, awe na Vyeti halisi vya elimu ya msingi, elimu ya Sekondari pamoja na Chuo (cheti au hati ya matokeo).

5\. Vijana wenye elimu ya Shahada umri usiwe zaidi ya miaka 26, awe na vyeti halisi vya elimu ya msingi, elimu ya Sekondari pamoja na Chuo (cheti au hati ya matokeo).

6\. Vijana wenye Elimu ya Shahada ya Uzamili umri usiwe zaidi ya miaka 27. Aidha, Awe na Vyeti halisi vya elimu ya msingi, elimu ya Sekondari pamoja na Chuo (cheti au hati ya matokeo).

C. Awe na afya njema, Akili timamu na asiwe na alama yoyote ya michoro mwilini (Tattoo).

D. Mwenye tabia na nidhamu nzuri, hajapatikana na hatia Mahakamani na hajawahi kufungwa.

E. Awe na Kitambulisho cha Taifa au namba ya kitambulisho kutoka Mamlaka ya Vitambulisho vya Taifa (NIDA).

F. Awe na cheti halisi cha kuzaliwa (Original Birth Certificate).

G. Asiwe ametumikia Jeshi la Polisi, Magereza, Chuo cha Mafunzo au Kikosi Maalum cha Kuzuia Magendo wala kuajiriwa na Idara nyingine Serikalini.

H. Asiwe amepitia Jeshi la Kujenga Taifa (JKT) Operesheni za nyuma kwa kundi la kujitolea na kundi la lazima (Mujibu wa Sheria).

I. Asiwe anajihusisha/amejihusisha na matumizi ya madawa ya kulevya, bangi na mengine yanayofanana na hayo.

J. ANGALIZO: Kijana atakayepatikana na nyaraka za kughushi atachukuliwa hatua kali za kisheria kulingana na taratibu zilizopo.

Imetolewa na Ofisi ya Mkuu wa Wilaya ya Kalambo.


OFISI YA MBUNGE JIMBO LA KALAMBO

Ofisi ya Mbunge Jimbo la Kalambo, Mhe. Edefonsi Joackim Kanoni, inatoa wito kwa Wanakalambo wenye kukidhi vigezo waweze kuchangamkia fursa hiyo na kutuma maombi kwa wakati.


Umemaliza kusoma habari hii? Tupe maoni, mtazamo au swali lako hapa chini.

Comments

MATUKIO KWA NJIA YA PICHA

Inapakia picha...

HABARI MAARUFU

FURSA ZA MIKOPO YA VIJANA SASA HADHARANI OMBA SASA UJIKWAMUE KIUCHUMI

  Katika kutekeleza ahadi ya Mhe. Dkt. Samia Suluhu Hassan, Rais wa Jamhuri ya Muungano wa Tanzania, ya kutoa shilingi bilioni 200 kwa vijana ndani ya siku 100 baada ya kuingia madarakani, Wizara ya Mifugo na Uvuvi inautangazia umma kuanza kwa Awamu ya Pili ya utoaji wa mikopo yenye masharti nafuu kwa vijana. Malengo ya mikopo hiyo ni kuwawezesha vijana kupata mitaji ya kuanzisha na kuendeleza biashara ndogo, biashara za kati na kampuni changa ili kujijengea kipato katika Sekta za Mifugo na Uvuvi. Mikopo hiyo itatolewa kwa njia ya vifaa na pembejeo za uzalishaji, ikiwemo ufugaji wa samaki kwa vizimba, ufugaji wa kuku (chotara, mayai na nyama), mbuzi, kondoo na nguruwe, pamoja na boti za kuhudumia vizimba, boti za uvuvi, zana za uvuvi, mifumo ya ubari (cold chain) katika mazao ya uvuvi, mifumo ya kulazisha vifaranga vya samaki, mifumo na vifaa vya uchakataji wa mazao ya uvuvi ikijumuisha makausho ya dagaa na mwani (dryers). Vigezo na maelekezo kwa waombaji ni kama ifuatavyo: i. Baru...

MACHIFU KALAMBO WAMPA MHE. KANONI BARAKA NA KUMUHIMIZA KUENDELEA NA KAZI ZA MAENDELEO

  Mhe. Edefonsi Joackim Kanoni, Mbunge wa Jimbo la Kalambo, amekutana na kufanya kikao na Machifu wa Wilaya ya Kalambo, ambapo pamoja na mambo mengine, amewashukuru Machifu hao kwa baraka, ushauri na ushirikiano wao, pamoja na mchango wao katika safari yake ya kuingia katika nafasi ya Ubunge wa Jimbo la Kalambo. Akizungumza katika kikao hicho, Mhe. Kanoni amewashukuru Machifu kwa kuendelea kutambua na kuunga mkono juhudi za maendeleo katika Jimbo la Kalambo, huku pia akiwashukuru wananchi wote walioshiriki katika kufanikisha ushindi wake. Aeleza utekelezaji wa Ilani ndani ya miezi tisa Mhe. Kanoni ameeleza mambo mbalimbali ya utekelezaji wa Ilani ya Chama cha Mapinduzi yaliyofanyika katika kipindi cha miezi tisa tangu alipoingia madarakani, akieleza hatua mbalimbali zilizochukuliwa katika kushughulikia changamoto na mahitaji ya wananchi wa Kalambo. Ameomba Machifu pamoja na wananchi wote wa Kalambo kuendelea kushirikiana na kushikamana, akisisitiza kuwa umoja na mshikamano ni muhim...

NAFASI 200 ZA AJIRA ZA MAFUNDI ZATANGAZWA KWA KAZI NCHINI SAUDI ARABIA

  Ofisi ya Waziri Mkuu – Kazi, Ajira na Mahusiano, kwa kushirikiana na Atilis Investment Limited , inawataarifu Watanzania wenye sifa stahiki kuhusu nafasi 200 za ajira za mafundi katika sekta ya ujenzi , zilizotolewa na kampuni ya Shade Corporation Limited ya nchini Saudi Arabia. KADA ZINAZOHITAJIKA Nafasi hizo zinahusisha mafundi wa kada mbalimbali, wakiwemo: Mafundi Uashi Mafundi Useremala Wasuka Nondo SIFA ZA MWOMBAJI Mwombaji anatakiwa kuwa na: Elimu ya astashahada kutoka chuo cha ufundi kinachotambuliwa na Serikali; Uzoefu wa kazi wa miaka miwili (2) au zaidi katika sekta ya ufundi; Uwezo na uzoefu katika kada husika, ikiwemo Uashi, Useremala au Usuka Nondo; Umri kati ya miaka 21 hadi 40 ; Waombaji wa nafasi hizi wanatakiwa kuwa wanaume . MASHARTI NA MAFANO YA AJIRA Waombaji watakaofaulu mchakato wa ajira watapata fursa ya kufanya kazi nchini Saudi Arabia kwa masharti yaliyowekwa na mwajiri. Miongoni mwa mafao na masharti ya ajira ni: Mshahara wa Riyal 1...